嗰日佢終於打開個成10吋×5吋嘅BV銀包畀我睇，裏面全部都係喺報紙雜誌剪落嚟嘅特價coupon，餐廳埋單之後送畀客下次返去幫襯嘅優惠券，隨信用卡 junk mail附上之免費試用證……總之是碎碎濕濕幾百張爛紙仔，我本來想問：「你要享受幾多呢啲『優惠』先慳得夠買這個6千幾蚊嘅銀包呀？」但聽到這位年薪過百萬的friend一邊如數家珍那一張爛紙可以免費贈食「狗不理包子」，那一張二人通淋巴又一人價錢……便明白她志在的是那個有如尋寶遊戲的形式，或儀式，多於實際上可以節省的一百幾十，都市人根本太悶太冇嘢做想「搵啲嘢畀自己做吓」，就係咁簡單。
2010.12.26 by Wyman Wong
